ከቀትር በኃላ …
የጭንቅ ጊዜ የማይደረገው ይደረጋል !
የዛሬው የመንፉሃ ተቃውሞ በፎቶ …. ለደህንነት ሲባል ቅርብና ግልጽ ፎቶዎችን ብሎም በእጀ የገቡ ተንቀሳቃሽ ምስሎችን ላለማውጣት መርጫለሁ! ጉዳዩን የሪያዱ አንባሳደር በቅርብ መከታተል መጀመራቸውንና ነዋሪው ተጨባጭ መረጃዎችን በማቀበል ላይ መሆኑን ተጨባጭ መረጃም አግኝቻለሁ ! በአሁኑ ሰአት ሰው ከቦታው የተበታተነ ቢሆንም አድማ በታኝ ሃይል ወደ አካባቢው ተንቀሳቅሷል የሚል የአይይን እማኝ መረጃዎች ደርሰውኛል! እንደኔ እንደኔ ሁኔታው አቅጣጫውን እንዳይስት ማዕከላዊው መንግስተረ ለዜና ፍጆታ ሳይሆን ህጋዊ አይደሉምነየሚባሉ ዜጎች የመውጫ ሰነድ እየተሰጣቸው በሰላም ወደ ሃገራቸው እንዲገቡ መንግስታችን አስቸኳይ ልዑክ መላክና ከሳውዲ መንግስት ጋር መነጋገር አለበት እላለሁ ። ወገኖቻችን ለመታደግ ጊዜው አልመሸም! በሃገር ቤት ፣ በአሜሪካ ፣ በአውሮፖ ያላችሁ ኢትዮጵያውያን የሳውዲን መንግስት ጥቂት ወረበሎችን ለማጽዳት በሚል በመንፉሃና በተለያዩ የሪያድ ክፍሎች እየወሰደ ያለውን ህግን ያልተከተለ እርምጃ በሰላማዊ መንገድ ልትጠይቁልን ይገባል! የሳውዲን ህገ እናከብራለን ፣ ያም ሆኖ ኢትዮጵያውን ተለይተን ግፍ ሊፈጸምብን አይገባም!
እስኪ ቸር ያሰማን!
No comments:
Post a Comment